პროგრამის თემატიკა ითვალისწინებს ზოგადი ელექტრო სამონტაჟო სამუშაოების იმ ძირითად საკითხებს, რომელთა შესწავლის შემდეგ კურსდამთავრებულები უმოკლეს ვადებში შეძლებენ ელექტრო მემონტაჟის მოთხოვნადი სპეციალობით თვითდასაქმება-დასაქმებას ინდივიდუალურ საწარმოში და/ან ენერგეტიკის, სარკინიგზო, სამშენებლო, ინფრასტრუქტურულ, საწარმოო და სხვა დარგობრივ დაწესებულებაში.
პროგრამა მოიცავს თეორიული სწავლების, პრაქტიკული უნარების განვითარებისა და შეფასებების ნაწილებს.
პროგრამის კურსდამთავრებულს შეუძლია:
- ელექტრო სამონტაჟო სამუშაოების შესრულებისათვის გამოსაყენებელი მასალების განსაზღვრა და უსაფრთხოების წესების დაცვა
- ელექტრული სქემებისა და სამშენებლო ნახაზების წაკითხვა;
- ელექტრო სამონტაჟო სამუშაოების შესრულება
- წრედის იზოლაცია და წრედის დაცვის მექანიზმების, დამიწების კონტურის მოწყობა
პროგრამა განხორციელდება თანამედროვე სტანდარტებით მოწყობილ კოლეჯის სასწავლო აუდიტორიასა და სახელოსნოში მაღალკვალიფიციური პროფესიული განათლების მასწავლებლის მიერ.
- პროგრამის ხანგრძლივობა: 13 კვირა – 200 საკონტაქტო საათი, კვირაში 15 -20 საათიანი დატვირთვით
- დაშვების წინაპირობა: საბაზო განათლება და ასაკი 18+
- მსმენელთა შერჩევის ფორმა: საკონკურსო შერჩევა – მოტივაციური გასაუბრება
- პროგრამაზე ჩარიცხვა: საკონკურსო შერჩევის შედეგების მიხედვით
