პროგრამის თემატიკა ითვალისწინებს სანტექნიკის სისტემების იმ ძირითად საკითხებს, რომელთა შესწავლის შემდეგ კურსდამთავრებულები უმოკლეს ვადებში შეძლებენ მოთხოვნადი და მაღალანაზღაურებადი სპეციალობით თვითდასაქმება-დასაქმებას სამშენებლო ინფრასტრუქტურულ, საწარმოო და სხვა დარგობრივ დაწესებულებებში.
პროგრამა მოიცავს თეორიული სწავლების, პრაქტიკული უნარების განვითარებისა და შეფასებების ნაწილებს.
პროგრამის კურსდამთავრებულს შეუძლია:
- სანტექნიკური სამუშაოების წარმოება და უსაფრთხოების ნორმების დაცვა
- სანტექნიკური ნახაზების პირობითი აღნიშვნების წაკითხვა
- გარე წყალსადენი ქსელიდან შენობაში შემყვანი მილის მოწყობა გარე წყალსადენ ქსელთან დაერთებით
- შიდა წყალმომარაგების სისტემის დაკვალვის სამუშაოების შესრულება
- მილსადენის შიდა ქსელის მონტაჟი
- შიდა წყალარინების ქსელში დგარების, სარინი და გამომყვანი მილების მონტაჟი
- საწმენდი რევიზიის მოწყობა, ტრაფებისა და სიფონების მონტაჟი
- წყალჩადინების ქსელის მონტაჟი
- სანტექნიკური მოწყობილობების მონტაჟი
პროგრამა განხორციელდება თანამედროვე სტანდარტებით მოწყობილ კოლეჯის სასწავლო აუდიტორიასა და სახელოსნოში მაღალკვალიფიციური პროფესიული განათლების მასწავლებლის მიერ.
- პროგრამის ხანგრძლივობა: 11 კვირა – 165 საკონტაქტო საათი, კვირაში 15 საათიანი დატვირთვით
- დაშვების წინაპირობა: საბაზო განათლება
- მსმენელთა შერჩევის ფორმა: საკონკურსო შერჩევა – მოტივაციური გასაუბრება
- პროგრამაზე ჩარიცხვა: საკონკურსო შერჩევის შედეგების მიხედვით
